為乜?

人越大, 遇見聽見親眼見甚至親身經歷的事越來越多

十字路口變成米字路口

該怎樣走?

當人不快樂的時候, 總會不自禁問:

"點解?"

"究竟點解要咁?"

"做人為左乜?"

"我做緊乜?"

"點解會咁?"

"做人為咩?"

"點解我要生存?"

"人生究竟係咩..我點解要撐, 點解要捱..點解要活下去?"

不以宗教哲學去談

很個人主義的

做人是為了自己

由你出生開始, 條命就係你既

條路點行, 開心唔開心..歸根究底都係自己揀

當然, 每個人都有唔同性格, 有d人天生性格開朗, 有d人比較靜, 比較憂鬱, 比較感性

但其實, 你要點樣生活, 基本上都係自己揀

細個..你懶唔讀書..畢業搵唔到份好工..咁邊個叫你唔讀書呢? 冇得怨

大個左..你男/女朋友對你唔好..咁邊個叫你鍾意佢呢, 邊個叫你揀佢做你partner呢..都係你揀既

老公包2奶, 咁邊個叫你嫁佢呢?

份工賺得唔夠多, 唔夠錢使, 咁邊個叫你揀呢份工呢? 邊個叫你咁大使呢? 又係冇得怨既

你要食煙飲酒, 咁身體有事時唔好怨點解個天咁對你

當然, 每個人有唔同既際遇, 每個人條命都唔同..但點樣面對, 點樣處理, 其實都係自己選擇

唔好同人比較, 唔好怨點解人地咁咁咁你自己就咁咁咁

失戀, 你要選擇死纏難打, 咁你唔好怨人地傷害你

明知另一半唔止你一個, 你忍, 唔離開呢個人, 咁你唔好怨對方點解一拖2(or 3 or 4 or 5)

當你問, 點解佢咁對我/ 點解我信錯佢而痛心疾首 既時候..
不如諗, 我可以點樣幫自己, 點樣令自己快的好番, 醫好自己企番起身

做左20幾年人 , 唔敢講咩都經歷過, 但總算明白做人要靠自己

做咩都好, 最終你要向自己負責

人生, 是認識自己的過程

堅強一點, 路總要走下去, 選擇一條較易行的路給自己

想做的事, 認為值得的話, 承擔得起的話, 就去做 , 然後有咩事唔好怨天尤人

總之, 甚麼也好, 不要後悔